Բոլորն են ուզում ֆեյսբուքյան ԹՈՒՐՔՄԱՆՈՒԹՅՈՒՆՆԵՐԻ քոքը կտրվի: Շատերն են բարբառում դրա անհրաժեշտությունը: Նրանց մի մասը սեղմում է կցված հղումները: Սրանց մի մասը մի երկու էջ թարթում է, գլուխ չի հանում: Մի փոքր զանգված իրականում այնքան էջ է թերթում, մինչև որ հազարից մեկ աչքին է ընկնում հսկայատառ սեքսոտ AZERBAIJAN-ը, որը, կարճ կտրած, Հայաստանին մաքուրով չի ուզում: Շահագրգռվածների մի ավելի նեղ շրջանակ վերջապես գլխի է ընկնում, որ թուրքմանություններն ամենևին էլ հազվադեպ չեն ու թափով սկսում են գալ դրանց հախից մեկ առ մեկ:
ԻՆՉՊԵ՞Ս: ԻՆՉՊԵ՞Ս: Ո՞ՆՑ:
Յուրաքանչյուր թարգմանության համար քվեարկելիս ուշադրություն դարձրեք տվյալ անգլերեն արտահայտության համար առաջարկված հայերեն թարգմանական տարբերակների քանակի վրա: Եթե կա ԵՐԵՔԻՑ ԱՎԵԼ թարգմանական տարբերակ, ապա անմիջապես տեսանելի են ՄԻԱՅՆ առաջին ԵՐԵՔ տարբերակները: ԱԴՐԲԵՋԱՆԱԿԱՆ ներդրումները, քանի որ համեմատաբար վերջերս են ավելացվել, բնականաբար վերջում են: Դրանք տեսնելու համար սեղմեք թարգմանական տարբերակների թվի վրա ու ինչպես շուռ տված քարի տակ, կտեսնեք թունավոր օձիկներին: Ստորև ներկայացնում եմ սեփական ուժերով շըրըփ-թըրթփ պատրաստածս վիզուալ ծանուցումը.
(ա)
Եթե կա երեքից ոչ ավել թարգմանական տարբերակ, ապա ադրբեջանական լեզվական ականները միանգամից տեսանելի են:
(բ)
Հարկավոր է պարզապես սեղմել հարավ ցույց տվող սլաքը:
(գ)
Ձեռի հետ քվեարկեք Ձեր նախասիրած հայկական տարբերակի օգտին, ինչն էլ ավելի կմեծացնի ականազերծման շանսը, և անցնել հաջորդ թարգմանական տարբերակին:
(դ) ԵՐԲ ԿԱ ԵՐԵՔԻՑ ԱՎԵԼԻ ԹԱՐԳՄԱՆԱԿԱՆ ՏԱՐԲԵՐԱԿ ՀԱՎԱՆԱԿԱՆՈՒԹՅՈՒՆԸ ՄԵԾ Է, ՈՐ ԴՐԱՆՑԻՑ ՄԵԿԸ ԼԻՆԻ ԹՈՒՐՔՄԱՆՈՒԹՅՈՒՆ
Ականի հավանականությունն այստեղ մեծ է: ԶԳՈ՛ՒՅՇ:
(ե) Փոլ Մաքարթնիին ահազանգելու կարիք չկա
Մեկի տեղ՝ երկու
(զ) Հախը կարմիր գույնի է լինում
ՀԱԽԸ կարմիր գույնի է լինում
Կեցցե՛ք, դե հիմա անցնենք գործի: Կամ եթե ալարելու եք, ապա գոնե ուժ գտեք այս ծանուցումը տարածելու համար:
