Lուսանկարը` Ալիակսանդր Պասեչնիկի

Կարեն Ղարսլյանը (ծնվ. 1979 ք. Երևան) բանաստեղծ է, արձակագիր, արվեստագետ, թարգմանիչ, բանասիրական գիտությունների թեկնածու: Նրա երկերը հրապարակվել են բազմաթիվ պարբերականներում, անթոլոգիաներում մի շարք լեզուներով: «Լեզվի ծայրին» բանաստեղծությունների ժողովածուն նրա հինգերորդ գիրքն է: Հեղինակել է նաև «Ռեժիմը խուճապի մեջ է» վավերագրական տրագիկոմեդիան (Ակտուալ արվեստ, 2019, բեմադրել է «Թեք Տեղ» թատրոնը 2019), «Ատերազմա» տպագրային ֆիլմ-վեպը (Ինքնագիր, 2016), «Գրողի ծոցը» տձեւ հայրենների ժողովածուն (Ինքնագիր, 2010), «X կադր/վայրկյան» մինիմալիստական վիպակն ու այլ երկերի ժողովածուն (Բնագիր, 2003): Նրա թարգմանությամբ հրատարակվել է Քեթի Աքերի «Բղջախոհություն» վիպակը (Ինքնագիր, 2015): 2003 թ. տարվա գրող է ճանաչվել հանրային հեռուստաընկերության կողմից: 2004 թ. արժանացել է Երիտասարդ արվեստագետի մրցանակին անտիպ վեպի համար: «Լեզվի ծայրին» ժողովածուի բանաստեղծական շարքերից մեկի համար հաղթող է ճանաչվել «Գրանիշ-2021» մրցանակաբաշխության «Լավագույն պոեզիա» անվանակարգում: ՓԵՆ Հայաստանի Խաղաղության հանձնախմբի ղեկավարն է: